عمرو يوسف يكشف كواليس أول لقاء فني مع نور الشريف في الدالي

العرب مباشر سبتمبر 7, 2025 11:47 0

عمرو يوسف

استرجع الفنان عمرو يوسف ذكرياته مع مسلسل "الدالي"، وخاصة أول مشهد جمعه بالفنان الكبير الراحل نور الشريف، الذي كان بمثابة نقطة تحول في مشواره الفني.

وقال يوسف -خلال استضافته في بودكاست "فضفضت أوي" مع معتز التوني-:

"أول يوم تصوير ليا كان مع الفنان صلاح عبد الله، وكنت أعرفه قبل الشغل، لكن في المشهد اتفاجئت بطريقة أدائه القوية لدرجة خلّتني أتوتر. بعد ما خلصنا قلتله: إيه يا صاصا قرصت عليا كده ليه؟، قالي ببساطة: إشتغل".

وأضاف: "بعدها بيومين جالي أول مشهد مع أستاذ نور الشريف، وكنت محضّر كويس جدًا، لكن قبل التصوير بثواني حسّيت بتوتر رهيب، قلبي دق بسرعة وصوتي اختفى تمامًا. حاولت أتماسك، واعتذرت ودخلت الحمام أبص في المراية وأهزأ نفسي، وغسلت وشي ورجعت أكمل. أستاذ نور لاحظ ده وكان في قمة الذوق وقاللي: لو عايز نصور المشهد تاني بكرة مفيش مشكلة. الموقف ده خلاني أتعلم كتير، ومن بعدها الأمور بقت أسهل".

وتحدث عمرو يوسف عن تأثير نور الشريف قائلاً:

"أستاذ نور مش بس فنان كبير، لكنه كان مدرسة في نفسه. كان قدوة ومثقف وبيحب المهنة جدًا. كان يقعد معانا ويشاركنا تفاصيل صغيرة نتعلم منها، وفعلاً هو واحد من أعظم الشخصيات اللي قابلتها في حياتي".

الجدير بالذكر، أن عمرو يوسف يُعرض له حاليًا فيلم "درويش" بدور العرض، ويشاركه البطولة كل من دينا الشربيني، تارا عماد، مصطفى غريب، محمد شاهين، وخالد كمال، والعمل من تأليف وسام صبري وإخراج وليد الحلفاوي.